Category Archives: A-Laget

OPPRYKK 2014!

Opprykk 2014

Valestrand Hjellvik FK knuste Erdal 5-0 og sendte VHFK tilbake til 4.divisjon.

Målscorarar: Simen Kallekleiv, Daniel Johansen, Magnus Bru Reigstad, Kristoffer Bognøy og Øyvind Thomassen.

 ”VHFK kom, tok 3 poeng, rykka opp og for heim!”
sitat: McArno the Kanel

Sjølv om opprykket ikkje blei sikra 100%, men kun 99,99999% ,så valte supporterane og laget å feira opprykk mandag kveld. Når supporterane hadde tatt med seg boblevatn og tv2 sporten stod på sidelinja, så blei ein berre nødt til å feira opprykk. Her kan du sjå tv2 innslaget og andre reaksjonar på opprykket:

Advertisements

Kan rykka opp på mandag

valestrand

Ein skal ikkje feira opprykk før det er umulig for andre lag å gå forbi. Men med seier eller uavgjort mot Erdal på mandag, så kan kanskje a-laget til Valestrand Hjellvik FK feira opprykk.

Kun første og andre plass rykker rett opp. Vestsiden-Askøy IL slo Skansens BK 4-3 søndag, og sikra dermed 4.div kontrakt til neste år. Skansens har ikkje ein teoretisk sjanse for å rykka opp lengre.
Photo 28.09.14, 23.01.38

VHFK har to utfordrarar til opprykk, sjøl om det skal veldig mykje til for at det ikkje blir 4.div spel på Furubakken til neste år. Askøy FK kan maksimalt få 45p i år og Smørås 2 kan maks få 48p, viss dei vinn resten av kampane sine. Men Smørås sitt a-lag i 3 div kan bli nedrykksklar på mandag før VHFK skal i aksjon, og dermed kan ikkje Smørås 2 rykka opp uansett. Difor kan minimum 1 poeng mot Erdal og 46p totalt, vera nok til at opprykket er klart allerede på mandag.

Kampstart er 20:00 på Erdal idrettsplass på Askøy.

Sjå straffescoringa til Øyvind Thomassen i 3-1 seieren mot Krabbetor forrige kamp, og abonner gjerne på youtube kanalen vår:

Slo Skjergard på bortebane

Rundt 50 supportera tok turen til Øygarden for å sjå a-laget til VHFK spela mot Skjergard. Valestrand Hjellvik vant oppgjeret 2-0 etter scoringar av Daniel «Briljansen» Johansen, og Magnus Bru Reigstad.
Her er eit lite klipp frå innmarsjen:

Valestrand Hjellvik sin største test

vhfk
Lørdag kl.15:00 er det ny heimekamp på Furubakken. Valestrand Hjellvik tar imot opprykksrival Skjergard til sesongens største test.

Det er nemmeleg eit av dei beste heimelaga, som møter laget med den beste bortestatistikken i 5 div avd 01.
VHFK har 3-1-0 på heimekampane sine medan Skjergard har 3-0-0 på bortebane.
Begge lag har like mange kampar spelt, men Skjergard har eit poeng meir enn VHFK. Difor er dette ein svært viktig kamp for begge lag for å kjempa om opprykk til 4 divisjon.

På tide å «fara øve dei»
VHFK har ikkje den mest dominerande statistikken mot Skjergard. 2 seier,3 uavgjorte og 3 tap på 8 kampar sidan 2001.
Den største seieren til VHFK kom i 2001 når det blei 4-0 på bortebane. Største tapet kom i 2002 når det blei heile 7-0 tap i Øygarden, som er det nest største VHFK tapet i historien (største: 8-0 borte mot Staal Jørpeland i 2011).
Sjølv i 2006 når Skjergard enda sist på tabellen og rykka ned frå 4 til 5 divisjon, vant dei 3-1 på Furubakken. Med seier på lørdag vil VHFK avslutta ei 11 års seierstørke mot Skjergard, og vinna sesongens hitill viktigaste kamp.

2001
VHFK-Skjergard 2-2
Skjergard-VHFK 0-4 (Seier)
2002
VHFK-Skjergard 2-6
Skjergard-VHFK 7-0 (VHFK historiens nest største tap)
2003
Skjergard-VHFK 3-3
VHFK-Skjergard 4-2 (Seier)
2006
VHFK-Skjergard 1-3
Skjergard-VHFK 1-1

vhfkSkjergard

Målkalas på Furubakken

 

IMG_8381

Valestrand Hjellvik knuste Erdal IL heile 9-1 i fina været på Furubakken. Valestrandsmannane var ikkje nådige mot laget frå Askøy.

10 år sidan sist
Ein måtte tilbake til 2004 sesongen for å finna sist gong VHFK og Erdal møtte kvarandre. Det året vant Valestrand Hjellvik 4-1 heime og slo Erdal 6-0 borte. Sesongen enda også med nedrykk for Erdal. På den tida spelte også Erdal med raude drakter, men no har dei tatt ein omvendt Cardiff City og har bytta til blå drakter. Om dei har blitt kjøpt opp av ein rik finansmann dei også er uvisst.

Nådelause Valestrandsmanna
Med kun ein 11-manns tropp og ingen innbyttarar såg det stygt ut for Erdal allerede før ballen blei sparka i gong. Øyvind Thomassen og Magnus Bru Reigstad var nådelause i sommarvarmen og putta to kvar.
I  2.omg var det også Bognøy show på Furubakken. Toppscoraren til A-laget scora eit ekte hat-trick på kun 19 min.

Tangerås stjal overskrifta
Det såg lenge ut som om hat-trick Bognøy skulle stjele overskrifta. Men tilslutt var det innbyttar Roy Harald Tangerås, som satte inn sitt første mål for a-laget. Og han feira likegodt med å banka inn eit mål til! Etter heilhjarta innsats i løpet av heile kampen i den intense varmen, kunne Valestrandsmannane jubla for 3 poeng ved kampslutt. Erdal må på si side handla inn nye spelarar i sommarens overgangsvindu, skal dei fortsatt spela i 5.div til neste år.

Funfact: Tangerås var berre 3 år når lagkamerat og fortsatt ungdom å rekna, Pål Kjetil Tufta debuterte på A-laget.

Neste kamp:
VHFK-Skjergard Lørdag 14.Juni kl.15:00

Skjergard

 

Krabbane sikra uavgjort mot slutten

Ei klassescoring og eit staffespark heilt mot slutten, sikra Krabbetor eit poeng i torsdagens kamp mot Valestrand Hjellvik.

Valestrand Hjellvik var best i 1.omg og Kristoffer Bognøy sendte VHFK i ledelsen med 1-0 scoring etter 15 min. Etter pause fortsatte VHFK og dominera kampen, og Pål Kjetil Tufta scorte etter 48 min til 2-0 ledelse. A-laget skapte flest sjansar, men klarte ikkje å drepa kampen fullstendig heilt som dei ønskte.

Istadenfor var det Krabbetor som scorte rett før slutt til 2-1. Det me trudde var eit trøstemål blei avgjerande når Krabbetor også fekk straffe rett etterpå. Straffen gjekk i mål og det var ikkje tid igjen for VHFK å gjera noko med 2-2 resultatet.

«Men då Valestrand Hjellvik hadde inkassert tre poeng, dei tilreisande supporterane song av full hals og storparten av den frammøtte Krabbefansen hadde gått heim, skjedde det noko artig på Nygårdsmyren.»(sitat: Krabbetor.com)

Dette var a-laget sin siste bortekamp før ferien. Ein kan ikkje seie nok på innsatsen til laget. VHFK dominerte og kjempa igjennom heile kampen, og var rett og slett uhelding som ikkje tok med seg 3 poeng.  No ventar tre strake heimekampar mot Erdal, Skjergard & Kalandseid. Då er det berre til å ta med seg VHFK skjerfet og møta opp på Furubakken, for å hjelpa Valestrandsmannane på vegen til 4.divisjon!

View this post on Instagram

Alt er mulig i 5.div! #VHFK

A post shared by Valestrand Hjellvik (@supporterklubb) on

Møter Krabbetor for første gong

Krabbetor FK

Torsdag speler A-laget borte mot Krabbetor FK på Nygårdsmyren i Laksevåg. Dette er første gong i historia at a-laget til Valestrand Hjellvik skal spele mot Krabbetor. 

Krabbetor Fotballklubb har tilhald i Bergen, med utspring i miljøet av studentar og likesinna frå Dalsfjordområdet. (Krabbetor.com)

Krabbetor har ein ganske artig statistikk. Fordi laget har sidan dei blei stifta i 2007 enten rykka opp eller rykka ned.

2008: Opprykk til 6.div, 2009: Opprykk til 5.div, 2010: Opprykk til 4.div, 2011: Nedrykk til 5.div, 2012: Nedrykk til 6.div, 2013: Opprykk til 5.div.

Mitt tips er at Krabbetor verken rykker opp eller rykker ned i år, og vil spele i samme divisjonen to år på rad for første gong.

VHFK er i scoringsform og har 10-0 på dei to siste kampane. Krabbetor scorar masse mål dei også, men har sluppet inn nesten like mykje. Så det blir ny og spennande kamp på Nygårdsmyren torsdag kl.20:00.

Ta gjerne turen for å støtta heltane i svart og kvitt!